Livanda əmanəti dondurulan silahlı şəxs bankdakı insanları girov götürüb

 

Qahirə, 11 avqust, AZƏRTAC

Livan Mərkəzi Bankının ofisində əmanəti dondurulan silahlı şəxs çoxlu sayda insanı girov götürüb.

AZƏRTAC “Əl Ərəbiyə” telekanalına istinadla xəbər verir ki, polis Beyrutun şərqindəki Hamra məhəlləsində yerləşən bank şöbəsini mühasirəyə alıb və silahlı şəxslə danışıqlar aparılır. O, “mənim pulumu verməsələr, girovları buraxmayacağam” deyə bağırıb. Ətrafdakı sakinlərin sözlərinə görə, qapılar bağlananadək müştərilərin bəziləri qaça biliblər. Bundan sonra içəridən atəş səsləri gəlib.

Ağır böhranla üzləşən Livan bankları əksər əmanətçilərin valyutada olan hesablarını dondurub və onlara hər gün devalvasiyaya uğrayan Livan funtu təklif edir.

Oqtay Bayramov

AZƏRTAC-ın xüsusi müxbiri

Qahirə

Azertag.az

ƏVVƏLKİ XƏBƏR

Rafael Fiziyev: "Makqreqor hər zaman mənə sataşır" - VİDEO

SONRAKI XƏBƏR

Daha bir ölkə Rusiyanı terrorun sponsoru elan etdi