Mühafizəçi işlədiyi bağ evindən 35 minlik qızıl oğurladı - VİDEO

Abşeron rayonu Fatmayı qəsəbəsində yerləşən evlərin birindən oğurluq edilib.

“Qafqazinfo” DİN-İN Mətbuat xidmətinə istinadən xəbər verir ki, zərərçəkən ərizə ilə polisə müraciət edərək evdən ümumi dəyəri 35 min manat olan qızıl-zinət əşyalarının oğurlandığını bildirib. Abşeron Rayon Polis İdarəsinin Mehdibad Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən həmin evin mühafizəçisi Cavidan Əlyarlı saxlanılaraq məsuliyyətə cəlb edilib. Araşdırmalar zamanı saxlanılan şəxs törətdiyi hadisəni etiraf edərək oğurladığı qızılları satdığını bildirib.

Faktla bağlı Mehdiabad Polis Bölməsində toplanan materiallar araşdırılması üçün Abşeron Rayon Polis İdarəsinin İstintaq Şöbəsinə göndərilib.

Saxlanılan şəxsin ətrafında əməliyyat-istintaq tədbirləri davam etdirilir.              

 

 

Qafqazinfo.az

ƏVVƏLKİ XƏBƏR

Səfərbərliyə çağırılan rusiyalı özünü yandırdı - VİDEO

SONRAKI XƏBƏR

“Putinin aşpazı”ndan ŞOK ETİRAF: “2014-cü ildə...”