Həddindən artıq xəsis kişi məhkəməyə verildi - FOTO

Böyük Britaniyanın Çeşir qraflığının Uorrinqton şəhərinin xəsis sakini, sevgilisini odun saymağa məcbur edən, qabyuyan maşının tabletkalarını sayan və nəvələrinə hədiyyə almağı qadağan edən, məişət zorakılığında ittiham olunub.

Milli.Az bildirir ki, bu haqda "Daily Mail" xəbər verib.

55 yaşlı Maykl Marş mərhum anasından böyük sərvət miras alıb, lakin pul yığmaq və maliyyə yastığı yaratmaqla o qədər məşğul olub ki, 54 yaşlı sevgilisi Eylen Till ilə pul bölüşməkdən imtina edib. Marş, qonşusunun oğurluğundan şübhələndiyi üçün gecə yarısı Tilli odunluqdan odun itib-çatmadığına baxmaq üçün ayağa qalxmağa məcbur edib.

Tilllə 15 illik münasibəti zamanı həmin şəxs evi nağd pulla alıb və təmir üçün 50 min funt sterlinq kredit götürüb. Krediti ödəməyə ona Till kömək edib. Tillin ev sahibliyi etdiyi onlayn görüş zamanı Marş 15 fincan qəhvə içib və ona heç təklif etməyib. Miladda evsizlərə kömək etmək üçün könüllü işə başlayanda o, ona qışqırıb. Qadın işə getməli və dostları ilə ünsiyyət qurmalı və ortağının davranışı onu çox narahat etsə də, hər şeyin qaydasında olduğunu iddia etməli olub.

Qızı ilə görüşəndə ​​Till nahara görə ödəniş etmədiyini deyərək yalan danışıb ki, kişi onu pul xərclədiyinə görə qınamasın. Qadın narazılığını bildirəndə, kişi onu küçəyə qovub, və Till yağışın altında gecələməli olub. Sonda kişi onu 300 min funt sterlinq dəyərində olan evdən qovub.

Marş mühakimə olunub, burada o, uyğun olmayan davranışda və insana hücumda ittiham edilib. Hökm daha sonra elan olunacaq. Məhkəmə bildirib ki, kişi 2019-cu ildə mərhum anasından böyük miras alıb, ancaq pula çox diqqət yetirib.

Kişi uyğun olmayan davranış və hücum iddialarını rədd edib və Tillin ona evdən çıxarılma bildirişi göndərdikdən sonra hər şeyi uydurduğunu bildirib.

İrfan Vəliyev
Milli.Az

Milli.az

ƏVVƏLKİ XƏBƏR

Rəhim Rəhimli ilə bağlı ŞOK GİZLİNLƏR: “Bunu hər kəsdən gizlədirdi”

SONRAKI XƏBƏR

İranın Dehqolan şəhərində iğtişaşlar baş verib - VİDEO