Himalay dağlarında 19 alpinist həlak olub

 

“Oktyabrın 1-də Hindistanın Himalay dağlarında baş vermiş güclü qar uçqunu nəticəsində itkin düşmüş alpinistlərin axtarışı davam etdirilir. Bu günə qədər 19 alpinistin meyiti tapılaraq aidiyyəti üzrə təhvil verilib”.

Bu açıqlama ilə Hindistanın Fövqəladə Hallar Agentliyinin sözçüsü Ridhim Aqqarval çıxış edib.

O bildirib ki, xilasetmə işləri gün ərzində davam etdirilir, ləngimələr isə hava şəraitinə görədir.

R.Aqqarval əlavə edib ki, axtarışlar nəticəsində 32 nəfər xilas edilərək dağdan təxliyə edilib.

Qeyd edək ki, qar uçqunu Himalay dağlarında 4 880 metr yüksəklikdə baş verib. Hadisə vaxtı orada 40 nəfərdən ibarət alpinist qrupu olub, onlardan yeddisi dırmanma üzrə təlimatçı olub.

Mənbə: Eadaily

Oxu.az

ƏVVƏLKİ XƏBƏR

Ombudsmana yeni səlahiyyətlər verilir

SONRAKI XƏBƏR

Heydər Məmmədov: "Gənc kadrların üzə çıxarılması prokurorluğun əsas prioritet hədəfidir"