Siyəzən sakinindən sənədsiz tüfəng aşkarlanıb

 

Siyəzən, 2 dekabr, Elxan Yusifli, AZƏRTAC

Siyəzən rayonun Beşdam kəndi ərazisində qanunsuz ov edənlərin rayon sakinləri Pərviz Xankişiyev və Anar Babayev olduğu müəyyənləşib.

Daxili İşlər Nazirliyinin mətbuat xidmətinin Quba regional qrupundan AZƏRTAC-ın bölgə müxbirinə verilən məlumata görə, Siyəzən Rayon Polis Şöbəsinin (RPŞ) əməkdaşları tərəfindən Anar Babayevdən bir ədəd sənədsiz 16 kalibrli "TOZ" markalı qoşalüləli ov tüfəngi götürülüb.

Hazırda RPŞ-nin Təhqiqat qrupunda araşdırma aparılır. Araşdırmanın nəticəsindən asılı olaraq məsələyə hüquqi qiymət veriləcək.

Azertag.az

ƏVVƏLKİ XƏBƏR

Rusiya bu şəhərin təxliyəsinə başlayır

SONRAKI XƏBƏR

Azərbaycanda KOB-lara verilən kreditlərin həcmi 5,3 milyard manata çatıb