Rusiyanın Ryazan şəhərində ikimərtəbəli ev uçub.
Publika.az URA-ya istinadla xəbər verir bu barədə Ryazan vilayətinin qubernatoru Pavel Malkov məlumat verib.
“Bu gün saat 17:40 radələrində Puşkin küçəsində ikimərtəbəli yaşayış binasının bir hissəsi uçub. Hazırda iki zərərçəkən olduğu məlumdur, onlar təcili xəstəxanaya göndərilib. İlkin məlumata görə, hadisəyə səbəb məişət qazının partlamasıdır", - deyə Malkov bildirib.
Qeyd edək ki, bu həftənin əvvəlində Nijni Novqorod, Nijnevartovsk, Yaroslavl, Omsk və Voronej vilayətlərində qaz partlayışları qeydə alınıb. Nijnevartovskda fövqəladə hadisə nəticəsində 8 nəfər ölüb.
Hüseyn İbadlı
Mənbə: publika.az