Son 48 saatda Aralıq dənizi bölgəsində 540-dan çox zəlzələ qeydə alınıb.
“Report” Türkiyə KİV-inə istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Qeyd edək ki, Türkiyədə fevralın 6-da baş verən 7,7 maqnitudalı zəlzələ nəticəsində ölənlərin sayı 3 419-a, yaralıların sayı isə 20 534-ə çatıb. Suriyada baş verən zəlzələ nəticəsində isə 1444 nəfərin öldüyü bildirilib.
