Xabarovsk diyarında pələng ağac kəsən dəstənin işçisinə hücum edib
Rusiyanın Xabarovsk diyarında pələng kişiyə hücum edib.

Lent.az "Gazeta.ru" ya istinadən xəbər verir ki, hadisə ağac kəsən dəstənin üzvü, Lazo rayonunun Muxen kəndindən 40 kilometr aralıda traktoru təmir edərkən baş verib.

Həmkarları onu ölümdən qurtarıblar.

Zərərçəkmiş travmatik şok, yuxarı və aşağı ətrafların açıq sınığı, döş qəfəsindən xəsarət alıb.

Həkim briqadası onu 1 saylı rayon klinik xəstəxanasına çatdırıb.O, reanimasiyadadır.

Pələng artıq mütəxəssislər tərəfindən tutulub.

Heyvan reabilitasiya mərkəzindədir - tezliklə Ussuriyskə müayinəyə göndəriləcək.

Mənbə: lent.az