Bir minalanmış motosikletin partladılması nəticəsində 39 nəfər yaralanıb...

İraqın Babil əyalətinin əl-Müseyyib qəzasında partlayış törədilib.

İnterAz SalamNews-a istinadla xəbər verir ki, terror aktı ötən gecə Babil əyalətinin əl-Museyyib qəzasında dini ayinlərin keçirildiyi mərasim zalının qarşısında törədilib.

Bir minalanmış motosikletin partladılması nəticəsində 39 nəfər yaralanıb.

Hədəfə alınan "Əl-Müseyyib hüseyniyyəsi"nə, eləcə də ətrafda yerləşən ticarət obyektləri və evlərə ciddi ziyanlar dəyib.

Bu hücumu İŞİD terror təşkilatı üzərinə götürüb. İŞİD sosial şəbəkələr vasitəsilə bildirib ki, şiələrin ayinini hədəfə alıb.

Mənbə: www.interaztv.com