“Prius” ağır qəza törətdi, 9 yaşlı uşaq öldü

Dünən Abşeron rayonunda ölümlə nəticələnən ağır yol qəzası baş verib.

“Qafqazinfo” xəbər verir ki, Ruslan Kotusenko idarə etdiyi “Toyota Prius” markalı avtomobillə Hökməli-Qobu yolunda hərəkətdə olarkən qəza törədib.

Avtomobil idarəetmədən çıxaraq yol kənarındakı elektrik dirəyinə çırpılıb. Nəticədə avtomobildə sərnişin olan 2014-cü il təvəllüdlü Allahverdi Fətullayev ağır xəsarətlər alıb. O, Akademik Mirqasımov adına Respublika xəstəxanasına çatdırılsa da, orada vəfat edib.

Faktla bağlı Abşeron RPİ-də cinayət işi açılıb, araşdırma aparılır.

Qafqazinfo.az

ƏVVƏLKİ XƏBƏR

Bakıda dünya çempionatına həsr olunmuş konsert baş tutacaq

SONRAKI XƏBƏR

Heydər Əliyev Beynəlxalq Aeroportu Türkiyə şirkəti ilə əməkdaşlığa başlayır