“Zvezda” telekanalı Rusiya sülhməramlılarının Qarabağı tərk etməsinin yeni görüntülərini dərc edib.

"Rusiya sülhməramlılarının Qarabağdan çıxarılması Paşinyanın bu ərazini Azərbaycanın bir hissəsi kimi tanımasının məntiqi nəticəsidir", -deyə Federasiya Şurasının Beynəlxalq Əlaqələr Komitəsinin rəhbəri Qriqori Karasin bildirib.

“Fakt budur ki, bura Azərbaycan ərazisidir",- deyən Paşinyanın ağzı ilə Qarabağ məsələsi həll edildikdən sonra sülhməramlılarımızın mövcudluğu məsələsi birbaşa Azərbaycan rəhbərliyi ilə təmasda həll olundu. Və onların tədricən oradan çıxarılması qərara alınıb”, - deyə Karasin əlavə edib.

Artıq Azərbaycan (Hikmət Hacıyev) və Rusiyanın (D. Peskov) siyasi rəhbərliyi sülhməramlıların Azərbaycandan həmişəlik çıxmağa başladığını təsdiqləyib.

 

Mənbə: musavat.com