Uzun müddətdir bərbad vəziyyətdə olan Cəlilabad rayonunun Moranlı kənd daxili yolları burada yaşayan kənd sakinlərinin təşəbbüsü ilə və şəxsi vəsaitləri hesabına təmir edilir.
Bizim.Media xəbər verir ki, əhalisi min nəfərdən çox olan kənd sakinləri daxili yolların bərbad vəziyyətdə olmasının hər tərəfli çətinlik yaratdıgını bildirərək yolu öz təşəbbüsləri ilə gəliş-gedişə uygunlaşdırmagı qərara alıblar.
Təmir ediləcək yol 2 kilometrlik kənddaxili hissəni əhatə edəcək. Xüsusi texnika vasitəsi ilə əvvəlcə hamarlanan yola artıq daş-çinqıl örtük çəkilir.
Yolun hərəkətə uyğunlaşdırılmasında şəxsi texniki nəqliyyat cəlb olunduğu kimi fiziki qüvvə də kənd könüllülərindən ibarətdir.
Qeyd edək ki, kənd daxili yollar əsasən torpaq qatlı olduğundan xüsusi ilə yagışlı havalarda keçilməz bataqlıga dönürdü.
Sabutay, Bizim.Media, Cənub bürosu
Mənbə: bizim.media
scorpion.az