Almaniyanın Bavariya federal əyalətində sel səbəbiylə təxminən 3 min insan təxliyə edilib.

Bu barədə DPA agentliyi regional Daxili İşlər Nazirliyinə istinadən məlumat yayıb.

Bavariyada təbii fəlakətin nəticələrinin aradan qaldırılması üçün əməliyyata 20 minə yaxın təcili yardım xidmətinin əməkdaşı cəlb olunub.

Qeyd edək ki, “Kvirina” siklonu Almaniyanın cənubuna güclü yağışlar gətirib və bu da öz növbəsində daşqınlara səbəb olub. Bavariya və Baden-Vürtemberqin bəzi ərazilərində hər kvadratmetrə gündə 130 litrdən çox yağıntı düşüb.

Berlin və Münheni birləşdirən 9 nömrəli əhəmiyyətli avtomobil yolu Allershauzen və İnqolştadt arasında təxminən 50 km-lik bir hissə üçün nəqliyyat üçün bağlanıb.

Mənbə: axar.az