Almaniya kansleri Olaf Şolts iyunun 16-da səhər saatlarında İsveçrədə Ukrayna üzrə konfransı başa vurmamış tərk edib.

Bu barədə DPA agentliyi məlumat yayıb.

Məlumata görə, Şoltsun Berlində görüşləri planlaşdırılıbmış. Amma bu görüşlər barədə əlavə məlumat verilməyib.

Bundan əvvəl ABŞ-ın vitse-prezidenti Kamala Harris də İsveçrədəki konfransı tərk edib.

Qeyd edək ki, Ukrayna üzrə konfrans iyunun 15-16-da Bürgenştok kurortunda keçirilir.

Mənbə: apa.az