Özbəkistanın Daşkənd vilayətində “İsuzu” markalı iki avtobus toqquşub.
AZƏRTAC xəbər verir ki, Akkurqan-Yanqiyul magistralında baş verən qəza nəticəsində azı 1 nəfər ölüb, 38 nəfər yaralanıb.
Bildirilir ki, sərnişin avtobusları bir-biri ilə yarışırmışlar. Nəticədə onlar yan-yana toqquşaraq aşıblar.
Hadisə ilə bağlı cinayət işi açılıb. Hər iki sürücü məsuliyyətə cəlb olunub, istintaq aparılır.
Qulu Kəngərli
AZƏRTAC-ın xüsusi müxbiri
Daşkənd
Mənbə: azertag.az