Antaliyada dəhşətli ailə faciəsi yaşanıb.

Ata 5 və 9 yaşlı iki övladını, həyat yoldaşını qətlə yetirəndən sonra intihar edib. Ailəsini öldürərək intihar edən atanın böyük borcu varmış.

Cebhe.info xəbər verir ki, söhbət bu günlərdə Antaliya vətəndaşı Selim Şimşəkdən gedir. O, vaxtilə kompüter işi ilə məşğul olub.

9 aydır işsiz olduğu öyrənilən və yoxsulluq üzündən depressiyaya düşən Selim Şimşəyin cəsədinin yanında iki səhifəlik məktub tapılıb.

Ata məktubda 9 ay işsiz olduğunu və maddi çətinlik səbəbindən bu hadisəni törətdiyini yazıb.

Olayla bağlı istintaq gedir.

Alçina Amilqızı
Cebhe.info

 

 

Mənbə: cebhe.info