Ağcabədidə mağazadan oğurluq edilib

Ağcabədi rayonunda oğurluq hadisəsi baş verib.

“Report”un Qarabağ mərkəzinin verdiyi məlumata görə, rayon sakini Orxan Rzayev ona məxsus mağazadan naməlum şəxs və yaxud şəxslər tərəfindən oğurluq edildiyini bildirib.

Rayon polis şöbəsinin əməkdaşları tərəfindən keçirilən əməliyyat axtarış tədbirləri nəticəsində müəyyən olunub ki, oğurluq hadisəsini Xəyal Qurbanov edib.

O, ilkin ifadəsində törətdiyi əməli etiraf edərək mağazadan gecə saatlarında siqaret və digər əşyalar oğurladığını bildirib. X. Qurbanov saxlanılaraq istintaqa cəlb olunub.

Faktla bağlı rayon polis şöbəsində araşdırma aparılır.

Report.az

ƏVVƏLKİ XƏBƏR

ŞƏRQİ AVROPADA 1930-CU İLLƏRİN SİYASƏTİ HƏLƏ DƏ DAVAM EDİR

SONRAKI XƏBƏR

"Bu qurumun ləkələnmiş imici artıq aradan qaldırılmaqdadır və biz bunu alqışlayırıq"