Lənkəranda piyadanın ölümünə səbəb olan sürücü hadisə yerindən qaçıb

Lənkəran rayonunun Liman şəhərində piyadanın ölümü ilə nəticələnən yol-nəqliyyat hadisəsi baş verib.

APA-nın cənub bürosunun verdiyi məlumata görə, "VAZ 2107" markalı 44-BN-751 dövlət qeydiyyat nömrə nişanlı nəqliyyat vasitəsini idarə edən sürücü rayonun Liman şəhəri ərazisində Balaqız Abdulhüseyn qızı Quliyevanı avtomobillə vuraraq ağır yaralayıb. Sonra isə hadisə yerindən uzaqlaşıb. Ətrafdakıların köməyilə Lənkəran Rayon Mərkəzi Xəstəxanasına çatdırılan orta yaşlı qadının artıq dünyasını dəyişdiyi məlum olub. Aldığımız son məlumata görə, BDYPİ-nin 11-ci taqımının əməkdaşları avtomobili və sürücünü saxlayıb.

Faktla bağlı araşdırma aparılır.

Apa.az

ƏVVƏLKİ XƏBƏR

Goranboyda "Həzrəri Əli Məscidi"nin tikintisi niyə yarımçıq saxlanılıb? - FOTO

SONRAKI XƏBƏR

“Miqrant dəllallarına inanmaq olmaz” – VİDEO