Hindistanda daşqınlar-25 ölü
Hindistanın Tamilnad ştatında dörd gündür ki, leysan yağışları davam edir.

Sonxeber.az-ın məlumatına görə, yağışlar nəticəsində çaylar məcrasından çıxıb və daşqın olub. "Times of İndia" qəzetinin xəbərinə görə, artıq 25 nəfər həlak olub, onlarla insan itkin düşüb.

Bu gün səhər saatlarında Koimbatur şəhəri yaxınlığındakı kənddə daşqın nəticəsində bir bina uçub. 15 nəfər dağıntılar altında qalıb. Subasan yollarda baş verən qəzalarda bir neçə nəfər həlak olub. 1700 evə ciddi ziyan dəyib.

Mənbə: sonxeber.az