Astarada dəhşətli QƏTL - Həmyerlisini evinə çağırıb öldürdu, sonra isə yandırdı

Astara rayonunda qətl hadisəsi baş verib.

“Qafqazinfo”nun verdiyi xəbərə görə, hadisə dekabrın 8-i saat 09 radələrində Şiyəkəran kəndində qeydə alınıb.

Kənd sakini Sadiq Əliyevin evi tam yanıb və onun qonşusu, 1961-ci il təvəllüdlü Cabir Əliyevin həmin evdən meyiti tapılıb.

S.Əliyev dindirmə zamanı bildirib ki, dekabrın 7-də evinin yataq otağında Cabirlə aralarında baş vermiş münaqişə zamanı onun başına odun parçası ilə zərbə endirib. Sonra isə Cabirə bıçaqla bir neçə zərbə vuraraq öldürüb. Dekabrın 8-i səhər saatlarında isə sobaya təpik vuraraq aşırıb və bu, evin yanmasına səbəb olub.

Faktla bağlı qəsdən adam öldürmə maddəsi ilə cinayət işi başlanılıb, S.Əliyev tutulub, istintaq davam etdirilir.

Murad Əhməd

Qafqazinfo.az

ƏVVƏLKİ XƏBƏR

Nağdsız ödənişlərin qəbulundan imtina edilərsə...

SONRAKI XƏBƏR

“Bərabər şərait - başqa heç nə lazım deyil” - Lukaşenko