Bakının Sabunçu rayonunda sürücünün xəsarət alması ilə nəticələnən yol qəzası baş verib.
APA-nın məlumatına görə, hadisə Ramana qəsəbəsində qeydə alınıb.
İki minik avtomobilinin toqquşması zamanı sürücülərdən biri - 1972-ci il təvəllüdlü Əhmədov Tahir Cəlal oğlu xəsarət alıb. Yaralı ağır vəziyyətdə xəstəxanaya çatdırılıb. Ona hər iki baldır sümüyünün açıq sınığı diaqnozu qoyulub.
Faktla bağlı Sabunçu Rayon Polis İdarəsində araşdırma aparılır.
Mənbə: apa.az