Bakıda dövlət əmlaklarını oğurlayan şəxslər tutulub

Bakıda dövlət əmlaklarını oğurlayan şəxslər tutulub

Daxili İşlər Nazirliyinin (DİN) mətbuat xidmətinin APA-ya verdiyi məluamta görə, Qaradağ Rayon Polis İdarəsinin 10-cu Polis Bölməsinin əməkdaşlarının keçirdikləri əməliyyat-axtarış tədbirləri nəticəsində ötən il dekabrın 10-dan 13-dək olan müddətdə rayon ərazisindəki 3 həyətyanı sahədə quraşdırılmış su sayğaclarını oğurlamaqda şübhəli bilinən Lökbatan qəsəbə sakinləri T.Rəhimli və E.Hüseynov saxlanılıb.

Ətraflarında aparılmış tədbirlərlə onların rayon ərazisində daha 3 kanalizasiya quyularının, habelə Lökbatan qəsəbəsinin ərazisində su və kanalizasiya idarəsinə və Bakı Telefon MMC-yə məxsus quyuların qapaqlarını oğurlamaları da müəyyən edilib.

Faktlarla bağlı araşdırma aparılır.

 

Mənbə: apa.az