Karib dənizində yüngül mühərrikli təyyarə qəzaya uğrayıb, 4 nəfər itkin düşüb.

Milli.Az Trend-ə istinadən xəbər verir ki, bu barədə Fransanın Qvadelupa prefekturası bildirib.

Məlumata əsasən, "Piper" adlı təyyarə fevralın 17-i Dominika adasında Çarlz-Duqlas hava limanından Qvadelupaya doğru yola çıxıb. Təyyarə havaya qalxdıqdan bir müddət sonra adanın sahillərində dənizə çırpılıb.

Təyyarədə ər-arvad, onların 16 yaşlı oğlu və 40 yaşlı kişi olub. Onlar hamısı Fransa vətəndaşları idi.

Milli.Az

Mənbə: news.milli.az