ABŞ-da ictimai məsafə saxlamaq istəməyərək terror aktı hazırlayan şəxs öldürülüb

ABŞ-da koronavirus pandemiyası ilə əlaqədar hökumət tərəfindən tətbiq olunan təcridetmə tədbirləri ilə razılaşmayaraq terror hücumu həyata keçirməyi düşünən şəxs öldürülüb.

APA “TASS”-a istinadən xəbər verir ki, bu barədə “Fox-4” telekanalı məlumat yayıb.

Məlumata görə, Federal Təhqiqat Bürosunun (FTB) agenti həmin 36 yaşlı Belton şəhər sakini olan kişini saxlaya bilmədiyi üçün onu ölümcül yaralayıb. Bildirilir ki, “ictimai məsafə saxlamaqla bağlı rəsmilərin tələbindən narazı olan” həmin şəxs yerli xəstəxanaların birində partlayış törətmək istəyirmiş. Bunun üçün o, kustar üsulla partlayıcı qurğu hazırlayırmış.

Apa.az

ƏVVƏLKİ XƏBƏR

Çində sürücü alovlanan avtomobili yanacaqdoldurma məntəqəsinə sürdü – VİDEO

SONRAKI XƏBƏR

Rumıniya paytaxtının bütün sakinləri koronavirus testindən keçiriləcək