Mirvari Fətəliyeva koronavirusa yoluxdu-ÖZƏL

Azərbaycanın Fransadakı Diasporunun rəhbərlərindən biri, Paris-Azərbaycan Evinin rəhbəri, Fransada Azərbaycanın Dostları Assosiasiyasının baş katibi Mirvari Fətəliyeva koronavirusa yoluxub.

Bu barədə paralel.az-a Fransada yaşayan azərbaycanlı Mirvari Fətəliyevanın özü məlumat verib.

O bildirib ki, özündə bir neçə gün əvvəl halsızlıq və mədə ağrısı hiss edib. Bundan sonra o, həyat yoldaşının baş həkim işlədiyi Parisdəki xəstəxanada test verib. Onun verdiyi testin nəticəsi müsbət çıxıb.

Hazırda M.Fətəliyevada yalnız təngnəfəslik müşahidə edilir. Hərarəti yüksək dərəcədə olmadığından həmyerlimizin səhhəti normaldır və özünü yaxşı hiss edir.

Qeyd edək ki, Fransa Avropada İtaliya, İspaniya və Almaniyadan sonra ən çox koronavirusun yayıldığı ölkədir. Son məlumata görə, bu ölkədə 25 233 adamda koronavirus aşkarlanıb. Bunlardan 3900 adam sağalıb, 1331 nəfər ölüb.

Səbuhi Musayev

Paralel.az

ƏVVƏLKİ XƏBƏR

Koronavirusdan ölənlərin sayı 22 mini ötdü

SONRAKI XƏBƏR

Dövlətin iqtisadiyyatda iştirakı stimullaşdırıcı vergi siyasətində də əksini tapacaq