Meksikada koronavirusa 1 500-dən çox yeni yoluxma qeydə alınıb.
“Report” RİA ”Novosti”yə istinadən xəbər verir ki, bu barədə ölkənin Səhiyyə Nazirliyinin rəsmisi bildirib.
"Koronavirusa yoluxma ilə bağlı təsdiq edilmiş halların sayı 1 510-a çatdı, 4 653 şübhəli hal araşdırılır, 7 822 xəstəlik testi mənfi nəticə verib, pandemiya qurbanlarının sayı 50-ə çatıb", - deyə Meksikanın Səhiyyə Nazirliyinin Epidemiologiya Şöbəsinin direktoru Xose Luis Alomia gündəlik mətbuat konfransının gedişatında bildirib.
Qeyd edək ki, bundan əvvəl 1 378 müsbət diaqnoz və 37 ölüm haqqında bildirilib.
Ümumdünya Səhiyyə Təşkilatı COVID-19-u pandemiya elan edib. Koronavirus ilk dəfə 2019-cu ilin sonlarında Mərkəzi Çinin Uhan şəhərində aşkarlanıb.
Mənbə: report.az