İtaliyada son 24 saatda daha 610 nəfər koronavirusun qurbanı olub. Bununla da ölkədə pandemiya qurbanlarının sayı 18 279-a çatıb.
Virtualaz.org yerli KİV-ə istinadən bildirir ki, ölkənin Səhiyyə Nazirliyinin yaydığı məlumatda belə deyilir.
Bildirilib ki, koronavirusa yoluxanların sayı da daha 4 204 nəfər artaraq 143 626-ya yüksəlib.
İtaliyada koronavirusdan sağalanların sayı isə 28 470 nəfərdir.
İtaliya hazırda koronavirus qurbanlarının sayına görə dünyada birinci, yoluxma hallarının sayına görə isə ABŞ və İspaniyadan sonra üçüncü yerdədir.
Mənbə: virtualaz.org