Çində ötən sutka ərzində koronavirusa yoluxma halı qeydə alınmayıb

Bakı. Trend:

Çində ötən sutka ərzində yeni növ koronavirusa yoluxma halı və koronavirusdan ölüm halı qeydə alınmayıb.

Trend-in "TASS"a istinadən verdiyi məlumata görə, bu barədə Çinin gigiyena və səhiyyə üzrə Dövlət Komitəsindən bildiriblər.

Bildirilir ki, hazırda xəstəxanalarda 79 koronavirus xəstəsinin müalicəsi davam edir (ötən gün 3 nəfər sağalıb). Koronavirus xəstələrinin 3-nün vəziyyəti ağırdır.

Məlumata əsasən, xaricdən gələn vətəndaşlarda qeydə alınan koronavirus halları 1 711 nəfər səviyyəsində qalıb. Bildirilir ki, onlardan 1 670 nəfəri artıq sağalıb.

Statistikaya əsasən, Çində koronavirusa yoluxanların 94,3 faizi sağalıb. Ümumilikdə ölkədə 82,9 mindən artıq yoluxma halı, 4,6 mindən artıq ölüm halı qeydə alınıb.

Trend.az

ƏVVƏLKİ XƏBƏR

Məscidlərdə səsgücləndiricilərdən azan yerinə musiqi yayımlandı - VİDEO

SONRAKI XƏBƏR

ABŞ Ticarət Nazirliyi bir sıra Çin təşkilatını "qara siyahı"ya əlavə edib