Kürdəmir rayonunun Xınıslı kəndində həmkəndlilər arasında dava düşüb.

"Report"un Yuxarı Şirvan bürosu xəbər verir ki, 36 yaşlı Əfqan Salman oğlu Süleymanov mübahisə zəmnində həmkəndlisi tərəfindən döyülüb.

Yaralı Kürdəmir Rayon Mərkəzi Xəstəxanasına çatdırılıb, ona sağ gözün əziyi və baş nahiyəsinin əzilmiş-cırılmış yarası diaqnozu qoyulub.

Faktla bağlı araşdırma aparılır.

Mənbə: report.az