Peterburqda ölənlərlə vidalaşmaq üçün 10 dəqiqə vaxt verilir

Rusiyanın Sankt-Peterburq şəhərində koronavirusa yoluxma şübhəsi olmayan şəxslərə ölülər üçün vida mərasimlərində iştiraka icazə verilir, lakin bu müddət 10 dəqiqədən artıq olmamalıdır.

KONKRET.az xəbər verir ki, bu barədə Sankt-Peterburq rəhbərliyinin mesajında ​​deyilir.

Koronavirusa yoluxmuş şəxslərin cənazə mərasimlərində iştirakı qadağandır.

Vida mərasimlərinin məhdudlaşdırılması haqda qərar Sankt-Peterburq şəhərinin meri Aleksandr Beqlovun Sankt-Peterburq şəhərinin Baş Dövlət sanitar həkimi Natalya Başketova ilə vəziyyəti müzakirə etdikdən sonra qəbul edilib.

Mərasimlərdə lazımi sosial məsafə saxlanılmalı, fərdi qoruyucu vasitələrdən istifadə edilməli və mərhumun cəsədi ilə birbaşa təmas olmamalıdır.

Mayın 8-də Sankt-Peterburqda hər hansı bir səbəbdən ölənlərlə vida mərasiminə tam qadağa qoyulub.

konkret.az

ƏVVƏLKİ XƏBƏR

“İnşallah, mən də nə vaxtsa Elza kimi güclü yazaram” – Tanınmış şairə

SONRAKI XƏBƏR

“Azərbaycanın müharibə etmək, güc tətbiq etməkdən başqa yolu qalmayıb”