Ərdəbildə baş verən avtomobil qəzasında 2 nəfər ölüb, 3 nəfər yaralanıb

GünazTV: İranın Əedəbil əyalətində baş verən avtomobil qəzasında 2 nəfər ölüb, 3 nəfər ağır yaralanıb.

Ərdəbil əyalətinin yol polisinin mediaya açıqlamasında bildirdiyinə görə, hadisə mayın 22-si axşam saatlarında Ərdəbil şəhərindən aralıda yerləşən Gülmuğan məhəlləsi yaxınlığındakı Sərdabə adlı turist zonası istiqamətində baş verib.

Bildirilir ki, yol-nəqliyyat qaydalarına riayət etməyən 4 sərnişin avtobusu bir-biri ilə toqquşaraq iç-içə girib. Qəza nəticəsində minik avtomobil sərnişinlərindən 2-si yerindəcə həlak olub, 3-ü ağır yaralanıb. Yaralılar Ərdəbilin “Fatimi” xəstəxanasına yerləşdiriliblər. Qəzanın səbəbləri araşdırılır.

Xatırladaq ki, Ərdəbil əyalətinin yol polisinin rəisi bundan əvvəl mediaya açıqlamasında hökumətin Ərdəbil yollarının yenidən bərpasına laqeyd yanaşmasından gileylənərək, yolların köhnə və bərbad olması səbəbilə, əyalətdə yol qəzalarının sayının artdığını bildirmişdi.

Qeyd edək ki, hər il İranın müxtəlif şəhər və bölgələrində baş verən yol-nəqliyyat hadisələrində ən azı 28 minə yaxın insan həyatını itirir.

Gunaz.tv

ƏVVƏLKİ XƏBƏR

Brayan Huk: "Müsbət nəticələr bəxş edən İran siyasətimizi dəyişməyə tələsmirik"

SONRAKI XƏBƏR

Goranboyda 1 nömrəli məktəbin tikintisi davam etdirilir - FOTOLAR