Ermənistanın Syunik bölgəsində koronavirus xəstəsini daşıyan təcili yardım maşını qəzaya uğrayıb. Azvision.az erməni KİV-ə istinadən xəbər verir ki, hadisə 51 yaşlı İrəvan sakini Vardan Babayanın idarə etdiyi “Jinbei” və 52 yaşlı Artur Mirakyanın idarə etdiyi "Mersedes" markalı avtomobillərin toqquşması nəticəsində baş verib.

Ekspertiza zamanı koronavirus xəstəsini aparan təcili yardım maşınının sürücüsü Babayanın həddindən artıq sərxoş vəziyyətdə olması ortaya çıxıb.

Qəzadan sonra xəstə digər təcili yardım maşını ilə xəstəxanaya aparılıb. Hadisədən zərər çəkənlər barədə məlumat verilməyib.

Pərvanə Sultanova
Azvision.az

Mənbə: azvision.az