Yeni Zelandiyanın paytaxtı Velinqton şəhəri yaxınlığında 5,6 bal gücündə zəlzələ baş verib.

Teleqraf.com xəbər verir ki, zəlzələ zamanı ölkənin Baş naziri Jakinda Ardern parlament binasında yerli televiziya kanalına canlı müsahibə verirmiş. Zəlzələnin təsiri canlı yayımda da hiss edilib.

Baş nazir əvvəlcə həyacan keçirmədən ətrafına nəzarəti edib. Sonra soyuqqanlı hərəkət edərək, zəlzələ bitdikdən sonra çıxışını davam etdirib. Bu zaman ətrafdakı əşyalar əsməyə başlayınca Baş nazir aparıcıya “Burada yüngül bir zəlzələ yaşayırıq. Olduqca yaxşı sarsıntı yaşadıq. Arxamda olan hər şeyin hərəkət etdiyini görürsünüz” deyib və çıxışını davam etdirib.

Mənbə: teleqraf.com