Amerikanın Minneapolis şəhərində polis dələduzluqda günahlandırılan şəxsi boğaraq öldürüb.

Cebhe.info xəbər verir ki, hadisədə diqqət çəkən daha bir məqam hüquq işçisinin boğduğu şəxsin qaradərili olmasıdır. Boğulan şəxs "Yalvarıram, buraxın, nəfəsim çatmır" desə də, polis ona məhəl qoymayıb.

Şəhərin Bələdiyyə sədri Yakob Frey bununla bağlı açıqlama yayaraq qaradərililərdən üzr istəyib:
"Amerikada qaradərili olmağın cəzası ölüm olmamalıdır. Biri sizdən kömək istəyirsə, ona kömək etməlisiniz. Bu gün isə sözügedən məsələ bir polis tərəfindən pozuldu".

Qeyd edək ki, hadisə ilə bağlı araşdırma başlayıb.

Mənbə: cebhe.info