Ana canavarı öldürdüklərinə və balalarına sahibləndiklərinə görə cəzalanlanlar var.
Cebhe.info xəbər verir ki, Türkiyənin Van şəhərinin Erciş mahalında ana canavarı öldürən və 3 balaya sahiblənən insanlara 15 min 025 TL cəza kəsilib.
Ərazi üzrə hüquq-mühafizə orqanları, Təbiəti Qoruma Milli Parklar Müdirliyi hadisə ilə bağlı hərəkətə keçib. Vəhşi canavarı öldürən və balalarına sahiblənmək istəyən 4 şübhəlinin evində əməliyyat aparılıb.
Əməliyyat zamanı həmin ünvanlardan birində 3 vəhşi canavar balası tapılıb.
Analarını öldürən, 4915 saylı Torpaq Ovçuluq Qanununa zidd cinayətlərinə görə şübhəli bilinənlərə 15 min 025 TL pul cəzası tətbiq edilib. Mühafizə altına alınan 3 canavar balası Van Yüzüncü Yıl Universitetinin Vəhşi Təbiəti Qoruma və Bərpa Mərkəzinə təhvil verilib.
Alçina Amilqızı
Cebhe.info
Mənbə: cebhe.info