Vaşinqtonda afroamerikalı Corc Floydun polis tərəfindən saxlanıldıqdan sonra ölməsi ilə əlaqədar keçirilən etiraz aksiyalarında ABŞ-ın məxfi xidmət orqanlarının 50-dən çox əməkdaşı nümayişçilərlə toqquşmalarda xəsarət alıb.

“Report” “RİA Novosti”yə istinadən xəbər verir ki, bu barədə “Fox News” telekanalına Amerika paytaxtının təhlükəsizlik strukturlarındakı yüksək vəzifəli mənbə məlumat verib.

O, nümayişçilərin güc strukturları əməkdaşlarına “Molotov kokteyli” atdıqlarını da qeyd edib.

Qeyd edək ki, ABŞ məxfi xidmət orqanları əməkdaşları ilə bərabər, federal marşallar, Narkotiklərlə Mübarizə İdarəsinin və Milli Qvardiyanın əməkdaşları polisə və Milli Təhlükəsizlik Nazirliyinin əməkdaşlarına Vaşinqton küçələrində etirazları yatırmağa yardım edir.

Mənbə: report.az