ABŞ-da Corc Floyd adlı şübhəlinin polis tərəfindən öldürülməsindən sonra başlayan etirazlar artaraq davam edir.
Yeniavaz.com xarici KİV-ə istinadla xəbər verir ki, ABŞ-da etiraz aksiyalarının güclənməsi ilə 40 şəhərdə küçəyə çıxma qadağası qoyulub. Hökumətə yaxın siyasətçilərdən biri verdiyi açıqlamada bildirilib ki, etirazçıların Ağ Evin qarşısında polisə hücum etməsi ilə ölkə prezidenti Donald Tramp sığınacağa yerləşdirilib.

Qeyd edək ki, bu iddianı Ağ Ev rəsmiləri də doğrulayıb. Hazırda davam edən etirazlara qarşı küçəyə ordu yeridilib. Digər tərəfdən Nyu-Yorkun bələdiyyə başçısı Bil de Blasionun qızının da polis tərəfindən saxlanıldığı xəbəri yayılıb. Xatırladaq ki, bir neçə gün əvvəl saxlanılan şübhəli polis tərəfindən kobud rəftar nəticəsində dünyasını dəyişmişdi. Bu hadisənin görüntülərinin yayılmasından sonra ölkədə başlayan etiraz aksiyaları təhlükəli həddə çatıb.

Mənbə: www.yeniavaz.com