Ermənistan İstintaq Komitəsinin Baş Hərbi İstintaq İdarəsinin onuncu istintaq şöbəsinin icraatında araşdırılan cinayət işi üzrə faktiki məlumatlar əldə olunub ki, “N” saylı hərbi hissənin komandiri vəzifəli şəxs olmaqla 2018-ci ilin aprel ayından 2020-ci ilin mart ayına qədər olan müddət ərzində vəzifə səlahiyyətlərini aşaraq dövlətə 25.625.000 erməni dramı dəyərində zərər vurub. Ordu.az erməni KİV-lərinə istinadən xəbər verir ki, bu barədə Ermənistan İstintaq Komitəsinin informasiya və ictimaiyyətlə əlaqələr şöbəsindən məlumat veriblər.
Qeyd olunur ki, vəzifə səlahiyyətlərini aşdığına, saxtakarlıq etdiyinə və böyük məbləğdə rüşvət aldığına görə hərbi hissə komandirinə qarşı ittiham irəli sürülüb və o həbs olunub.
Alpər Mövludoğlu
Ordu.az

Mənbə: ordu.az