ABŞ-ın Missouri ştatının ən böyük şəhəri olan Sent-Luisdə etirazlar zamanı atışma baş verib. Yaralananlar var.
İnterAz xarici KİV-lərə istinadla xəbər verir ki, ABŞ-da qaradərili vətəndaş Corc Floydun polis zorakılığı nəticəsində ölməsindən sonra baş qaldıran etirazlar, iğtişaşlar və toqquşmalar davam edir. Artıq bu etirazlar 6-cı günə daxil olub.
Məlumata görə Missouri ştatının böyük şəhəri Sent-Luisdə etirazlar zamanı atışma baş verib.
Atışma nəticəsində 4 polisin yaralandığı deyilir.
Las-Veqas şəhəri də atışmaların şahidi olub. Burada bir polisin ağır yaralandığı deyilir.
Qeyd edək ki, ABŞ-ın azı 140 şəhərində komendant saatı elan edilib.
Mənbə: www.interaztv.com