Bakı, 5 iyun, AZƏRTAC
Xəzər rayonunda ümumi sahəsi 1000 kvadratmetr olan quşçuluq fermasında yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə nəticəsində ferma ərazisinin 500 kvadratmetr hissəsi yanıb. Qalan hissə yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
Mənbə: azertag.az