Şəki şəhərində bir nəfərin xəsarəti ilə nəticələnən yol-nəqliyyat hadisəsi baş verib.

“Report” xəbər verir ki, hadisə şəhərin mərkəzində qeydə alınıb.

Belə ki, yolu keçən 2009-cu il təvəllüdlü Bayramov Nurlan Elbrus oğlunu “VAZ-2107” markalı avtomobil vurub.

Nəticədə o, ağır bədən xəsarətləri alıb.

Yaralı təcili yardımın köməyi ilə əvvəlcə Şəki Mərkəzi Rayon Xəstəxanasına çatdırılıb, vəziyyəti ağır olduğundan Bakıdakı xəstəxanalardan birinə göndərilib.

Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.

Ramin Şahbazov

Mənbə: report.az