Xəbər verdiyimiz kimi, Sabunçu qəsəbəsində yerləşən bazarın içində epidemiya əleyhinə rejim qaydalarını pozan kafedə 8-i qadın olmaqla 9 nəfər aşkar edilərək saxlanılıb. Saxlanılanlardan 3 nəfər barəsində toplanan materiallar baxılması üçün Sabunçu Rayon Məhkəməsinə göndərilib. 6 nəfər barəsində isə inzibati protokol tərtib edilib və onların hər birinə 200 manat cərimə cəzası verilib.
Saxlanılan qadınların cərimələnməsi sosial şəbəkə istifadəçiləri tərəfindən birmənalı qarşılanmayıb. Əksər insanlar qadınların cərimələnməsini qəzəblə qarşılayıblar, bəzi şəxslər isə qadınlara yardım etmək istədiklərini bildiriblər.
Dominant.az xəbər verir ki, jurnalist İlkin Muradov isə sözügedən qadınlarla bağlı sensasion məlumat paylaşıb.
İ.Muradovun sözlərinə görə, həmin qadınlar əxlaqsızlıq yuvası işlədənlərdir: "Yoldaşlar, bu gün Sabunçu kafesində polislər tərəfindən tutulan qadınların şəklini paylaşıb çoxunuz kədərlənirsiniz. "Şəpitdə" olan, qabyuyan olduğunu düşündüyünüz qadına kömək üçün axtarırsız. Sabunçu olduğu üçün çoxunuz onu tapmağa kömək etməyimi istəyirsiniz. Nəzərinizə çatdırım və təəssüflə qeyd edim ki, bunlar Sabunçunun əxlaqsızlıq yuvalarına işlədənlərdir. Xüsusi ilə də "şəpitli" olan. Təzəlikcə tutulmuşdu. Heç salamat adam deyillər. Qətiyyən kövrəlib, pis olmayın. Sizi əmin edirəm".

Mənbə: www.dia.az