İtaliyada koronavirusdan sutkalıq ölüm halı 7 nəfərədək azaldı

İtaliyada ötən sutka ərzində yeni növ koronavirusdan daha 7 nəfər ölüb.

Modern.az xəbər verir ki, bu barədə ölkənin Mülki Müdafiə Departamentindən bildiriblər.

Məlumata əsasən, bununla da İtaliyada koronavirusdan ölənlərin sayı 34 945 nəfərə çatıb.

Son sutka ərzində daha 118 nəfərdə koronavirus infeksiyasına yoluxma faktı təsdiqlənib.
Bildirilir ki, son sutka ərzində koronavirusa yoluxanların sayı artaraq 242 827 nəfər təşkil edib.

 

Mənbə: modern.az