Bakının Yasamal rayonunda 2 yaşlı uşaq bədbəxt hadisə nəticəsində ölüb.
İstiPress-in məlumatına görə, Yasamal rayonunun İ.İmanov küçəsində yerləşən 35/37 saylı hündürmərtəbəli binanın 4-cü mərtəbəsinin pəncərəsindən 2 yaşlı Murad Samir oğlu Muradov yerə yıxılıb və yerindəcə keçinib.
Bu barədə Yasamal rayon polis idarəsinin 27-ci bölməsindən rayon prokurorluğuna məlumat daxil olub. Hadisə yerində işləyən prokurorluq və polis əməkdaşları Murad Muradovun aldığı xəsarətdən yerindəcə ölməsini müəyyən ediblər.
Məlum olub ki, Murad Muradov yıxıldığı evə - Müşfiq Həmzəyevgilə valideynlərilə qonaq gəlibmiş. Azyaşlının meyiti K.Fərəcova adına Azərbaycan Elmi-Tədqiqat Pediatriya İnstitutuna aparılıb. Lazımi ekspertizalar təyin edilib.
Yasamal rayon prokurorluğunda araşdırmalar davam edir.
Mənbə: istipress.com