Çexiyanın paytaxtı Praqa yaxınlığında sərnişin və yük qatarları toqquşub.
“Report” xəbər verir ki, bu barədə “Assosiated Press” məlumat yayıb.
Məlumata görə, hadisə zamanı onlarla sərnişin xəsarət alıb.
Çexiyanın Dəmiryolu Müfəttişliyi bildirib ki, qəza Praqadan şərqdə, Çeski-Brod stansiyası yaxınlığında, yerli vaxtla 21:30-da, (Bakı vaxtı ilə saat 01:30-da) olub. Qeyd edilir ki, sərnişin qatarı stansiya yaxınlığında dayanan yük qatarına çırpılıb.
Regional Xilasetmə xidmətinin məlumatına görə, hadisə zamanı 60-a qədər sərnişin xəsarət ala bilər. Zərərçəkənlər yaxınlıqdakı xəstəxanalara çatdırılıb.

Mənbə: teref.az