Bakı. Trend:

Atlantik okeanında meydana gələn "İsaias" qasırğası ABŞ-ın Şimali Karolina əyalətinin sahillərini əhatəsinə alıb.

Trend-in TASS-a istinadən verdiyi məlumata görə, bu barədə qərargahı Mayamidə (Florida) yerləşən ABŞ Milli qasırğa müşahidəsi mərkəzi xəbər verib.

Məlumata görə, küləyin sürəti 38 m/s-yə çatıb. Hazırda qasırğa Şimali Karolina ştatının Vilminqton şəhərindən 65 km cənub-qərbdədir və şimal-şərq istiqamətində 9,7 m/s sürətlə hərəkət edir.

 

Daha əvvəl qasırğa yaxınlaşdığına görə Cənubi və Şimali Karolinanın sahil bölgələrində, eləcə də Nyu-Yorkda fırtına xəbərdarlıqları verilib.

Qasırğa mövsümü, adətən, Atlantikdə iyunun əvvəlindən noyabrın sonuna qədər altı ay davam edir. Atmosfer fenomeni tropik fırtına kimi təsnif edilir və əhatəsindəki küləyin sürəti təqribən 17,5 m/s-yə çatanda bu adı alır. Küləyin sürəti 33 m/s və ya daha çox olduqda isə fırtına qasırğa adlandırılır.

Mənbə: az.trend.az