Dağıstanda Qurban Qurbanov saxlanıldı

Dağıstanda güc strukturlarının əməkdaşları qanunsuz torpaq sahələrinin ayrılması ilə bağlı cinayət işi çərçivəsində Dərbənd rayonunun keçmiş rəhbəri Qurban Qurbanovu saxlayıblar. “Qafqazinfo” bildirir ki, bu barədə “TASS”a güc strukturlarındakı mənbə xəbər verib.

“Bu gün Qurbanovun evində axtarış aparılıb, o, Mahaçqalaya sorğu-suala aparılıb, sonra saxlanılması rəsmiləşdirilib. Tədbirlər torpaq sahələrinin qanunsuz ayrılması ilə bağlı cinayət işinin istintaqı çərçivəsində keçirilib”, - işin detallarını açıqlamayan mənbə bildirib.

Qeyd edək ki, Dərbənd 101 min nəfər əhalisi olan (2013) Dağıstanın cənubunda ən böyük bələdiyyə rayonudur. Rayon ərazisindən Rusiyanı Azərbaycanla birləşdirən mühüm nəqliyyat arteriyaları keçir.

Qurbanov milliyyətcə azərbaycanlıdır. O, 1998-ci ildən 2014-cü ilə qədər Dərbənd Rayon Administrasiyasının rəhbəri vəzifəsində çalışıb. Maraqlıdır ki, həmin rayona 1962-ci ilədək onun atası Səid Qurbanov rəhbərlik edib.

Xatırladaq ki, məmur 2014-cü ildə Ramazan Abdulatipovun dövründə də saxlanılmışdı. Q.Qurbanova qarşı vəzifə səlahiyyətlərini aşması barədə cinayət işi açılmış, daha sonra həmin iş bağlanmışdı.

Qafqazinfo.az

ƏVVƏLKİ XƏBƏR

"Miran" sevgilisini öpüşlərə qərq etdi

SONRAKI XƏBƏR

Ermənistandan Kremlə şok: Rus TV-lər dayandırılır