Avropada koronavirusla bağlı vəziyyət pisləşir

“İnfeksiyada görünməmiş bir artım”. Fransa Səhiyyə Nazirliyinin rəhbərliyi son bir gündə qeydə alınan yoluxmuş insanların sayını belə izah edib. Bu rəqəm 1700 yeni aşkar edilmiş virus daşıyıcısına yaxındır.

KONKRET.az xəbər verir ki, bu haqda məlumatı Euronews telekanalı yayıb.

Mənbə bildirir ki, hakimiyyət ikinci karantinin qarşısını almaq üçün səy göstərir, lakin indiyə qədər bu cəhdlər davam edən epidemiyanın miqyasına təsir etməyib.

Bütün kurort şəhərlərində maskaların məcburi geyilməsi tətbiq olunub, buna bənzər qərarlar Paris meriyası tərəfindən qəbul edilməlidir: sakinlər tərəfindən populyar olan məhəllələrdə və Sena sahilində az adam sosial məsafəni qoruyur.

Qonşu İspaniya da oxşar vəziyyətdədir, hətta yoluxanların sayı da üst-üstə düşür, həmçinin iki ay əvvəl təcrid tədbirlərinin ləğvindən bəri bu sayın rekord hala gəlməsi də eynidir.

Ən böyük narahatlıq İberiya krallığının paytaxt bölgəsindəki sanitar və epidemioloji vəziyyət və Balear adalarında baş verənlərdir.

Britaniya keçən həftə İspaniyadan qayıdanlar üçün məcburi karantin tətbiq edib, lakin tədbirlər ancaq regional səviyyədə görülür.

Lesterdə qüvvəyə minən karantindən sonra, iki həftə içində oxşar məhdudiyyətlər Şotlandiyanın Aberdin sakinləri üçün reallığa çevriləcək.

Yoluxanların sayının 214 min nəfərdən çox olduğu Almaniyada federal hökumət, infeksiyanın yüksək yayıldığı ölkələrdən qayıdan bütün səyahətçiləri virusa görə yoxlayıb, əlavə olaraq Antverpendə COVİD-19-un güclü yayılması meydana gəldiyindən, səlahiyyətlilər Belçikaya edilən bütün səfərləri ləğv etməyi xahiş edirlər.

Babək Göyüş

KONKRET.az

konkret.az

ƏVVƏLKİ XƏBƏR

Azərbaycanda məşğulluğun və sosial rifahın dəstəklənməsi siyasəti davam etdirilir

SONRAKI XƏBƏR

“Azərreyl” sloveniyalı voleybolçusu ilə müqaviləyə xitam verib