Bu gün Hindistanın Vicayvade şəhərində yeni növ koronavirusa (COVİD-19) yoluxan xəstələrin saxlanıldığı “Svarna palas” otelində yanğın olub.
APA-nın NDTV telekanalına istinadən verdiyi məlumata görə, ən azı 7 nəfər ölüb, 15 nəfər xəsarət alıb.
Xəsarət alanlardan 3-nün durumu ağırdır.
Yanğın başlayan zaman xəstələrin bəziləri özlərini binadan atıb. Oteldə ümumilikdə 22 xəstə olub.
İlkin məlumata görə, yanğına səbəb elektrik xəttində qısaqapanma olub.
Mənbə: apa.az