Bakı, 15 avqust, AZƏRTAC

Rusiya Federasiyasının Komi Respublikasında “Vorqaşor” kömür mədənində baş verən qəza nəticəsində dörd nəfər həlak olub.

AZƏRTAC TASS informasiya agentliyinə istinadla xəbər verir ki, ilkin ehtimallara görə qəza şaxtanın örtüyünün sökülməsi zamanı təhlükəsizlik qaydalarının pozulması nəticəsində baş verib.

Həlak olanların cəsədləri dağıntılar altından çıxarılıb. İnsident zamanı xəsarət alanların olmadığı bildirilir. Hazırda qəzanın baş verdiyi ərazidə Fövqəladə Hallar Nazirliyinin 30 əməkdaşı və 7 texnikası fəaliyyət göstərir.

AZERTAG.AZ :Rusiyada kömür mədənində baş verən qəza nəticəsində dörd nəfər həlak olub

Mənbə: azertag.az